«Հայաստանի հետ հարաբերությունների կարգավորման գործընթացը կշարունակվի Ադրբեջանի հետ համակարգմամբ»․ Թուրքիայի ԱԳՆ

Հարավային Կովկասում տևական խաղաղության և կայունության ապահովումը Անկարայի արտաքին քաղաքականության հիմնական առաջնահերթություններից մեկն է։ Այս մասին նշված է Թուրքիայի արտաքին գործերի նախարարության՝ 2026 թվականի գործունեության ծրագրում։

Փաստաթղթում ասվում է, որ Հայաստանի հետ հարաբերությունների կարգավորման գործընթացը կշարունակվի Ադրբեջանի հետ սերտ խորհրդակցությունների և համակարգման միջոցով։ Թուրքիան նաև կշարունակի աջակցել Հայաստանի և Ադրբեջանի միջև խաղաղության գործընթացին։