«Կիևում կքննարկենք, թե ինչպես կարելի է ավարտել այս հակամարտությունը»․ Ֆիդան

Թուրքիայի ԱԳ նախարար Հաքան Ֆիդանը Կիև այցի ընթացքում մտադիր է ուկրաինական կողմի հետ քննարկել հակամարտության կարգավորման ուղիները։

«Կիևում մենք կքննարկենք, թե ինչպես կարելի է ավարտել այս հակամարտությունը։ Կիմանանք ուկրաինացի գործընկերների դիրքորոշումը, կփոխանցենք նախագահ Էրդողանի ուղերձները և կկիսվենք մեր կարծիքներով»,- Լեհաստանում լրագրողներին ասել է Ֆիդանը։

Նրա խոսքով՝ անցած ամիս թուրքական պատվիրակությունն այցելել է Մոսկվա, որտեղ ռուսական կողմին է փոխանցել Թուրքիայի նախագահի ուղերձները և ծանոթացել հակամարտության կարգավորման վերաբերյալ Ռուսաստանի դիրքորոշմանը։ Ֆիդանը նաև հայտնել է, որ նախօրեին մասնակցել է Փարիզում անցկացված «կամավորների կոալիցիայի» համաժողովին։ Նրա խոսքով՝ Կիև այցի ընթացքում Անկարան ակնկալում է ծանոթանալ ուկրաինական կողմի մոտեցումներին և շարունակել դիվանագիտական ջանքերը՝ հակամարտությունն ավարտելու ուղիներ գտնելու համար։