Հունգարիայի նախագահը համաձայնել է հրաժարական տալ` տեղը զիջելով պատմության լավագույն շախմատիստուհուն

Հունգարիայի նախագահ Տամաշ Շույոկը համաձայնել է հրաժարական տալ, երբ ընտրությունում հաղթած «Տիսա» կուսակցությունը փոփոխություններ է կատարել երկրի Սահմանադրության մեջ։

Նշվում է, որ Հունգարիայի վարչապետ Պետեր Մադյարը բազմիցս մեղադրել է Շույոկին՝ Օրբանի շահերը սպասարկելու համար և պահանջել է, որ նա հրաժարական տա։

Վարչապետը հայտարարել է, որ մտադիր է նախագահի պաշտոնն առաջարկել պատմության մեջ ամենաուժեղ կին շախմատիստուհի համարվող գրոսմայստեր Յուդիթ Պոլգարին: Նա իր ֆեյսբուքյան էջում գրել է. «Մեր երկրին անհրաժեշտ են միասնություն, խաղաղություն և այնպիսի նախագահ, որով յուրաքանչյուր հունգարացի կարող է հպարտանալ: Հանրապետության նախագահի պաշտոնը մասնագիտություն կամ աշխատատեղ չէ, այլ ծառայության բարձրագույն ձև: Նախագահի խնդիրն է ծառայել և ներկայացնել բոլոր հունգարացիներին»: