Պետդեպը զգուշության կոչ է արել ամբողջ աշխարհի ամերիկացիներին

ԱՄՆ Պետդեպարտամենտը խորհուրդ է տվել ամբողջ աշխարհի ամերիկացիներին զգուշություն ցուցաբերել՝ Մերձավոր Արևելքում իրավիճակի սրման պատճառով։ Համապատասխան նախազգուշացումը հրապարակվել է գերատեսչության կայքում։ «Մերձավոր Արևելքում լարվածության աճի պատճառով անվտանգության ոլորտում իրավիճակը շարունակում է մնալ բարդ և կարող է հանգեցնել անկանխատեսելի էսկալացիայի: Մերձավոր Արևելքում գտնվող ամերիկացիներին խորհուրդ է տրվում զգուշություն և զգոնություն ցուցաբերել, ինչպես նաև պատրաստ լինել հնարավոր չվերթների չեղարկումների, օդային տարածքի պարբերական փակման և հնարավոր ուղևորությունների խափանումների։ Խնդրում ենք հետևել դեսպանությունների և հյուպատոսությունների անվտանգության հաղորդագրություններին, տեղական իշխանությունների հայտարարություններին և նորություններին՝ վերջին զարգացումներին տեղյակ լինելու համար։ Մերձավոր Արևելքից դուրս գտնվող ամերիկացիներին խորհուրդ է տրվում վերանայել դեպի այդ տարածաշրջան և դրա տարածքով իրականացվող ուղևորությունների ծրագրերը։ Իրանը և Իրանին աջակցող խմբավորումները կարող են թիրախավորել ամբողջ աշխարհում Միացյալ Նահանգների և ամերիկացիների հետ առնչվող օբյեկտներ»,- նշվում է հայտարարության մեջ։