«Բըրնհեմը թույլ է տվել ԱՄՆ-ին օգտագործել բրիտանական բազաները՝ Իրանին հարվածելու համար»․ #Bloomberg

Մեծ Բրիտանիայի նոր վարչապետ Էնդի Բըրնհեմը հավանություն է տվել Միացյալ Նահանգների կողմից բրիտանական ռազմաբազաների օգտագործմանը՝ Իրանին հարվածներ հասցնելու համար, ինչը Միացյալ Թագավորությունն անվանում է պաշտպանական հարվածներ, հայտնում է Bloomberg-ը՝ հղում կատարելով իր աղբյուրներին։

Նշվում է, որ երկուշաբթի վարչապետի պաշտոնը լքած Քիր Սթարմերը դեռևս ուրբաթ կառավարության նիստ էր անցկացրել՝ քննարկելու Մերձավոր Արևելքում հակամարտության վերսկսման պայմաններում ԱՄՆ-ի կողմից բրիտանական ռազմաբազաների օգտագործման հարցը։ Պաշտոնյաները որոշել էին թույլատրել ԱՄՆ-ին շարունակել օգտագործել այդ ռազմաբազաները, իսկ Սթարմերին վարչապետի պաշտոնում փոխարինած Էնդի Բըրնհեմը որոշել է ուժի մեջ թողնել այդ որոշումը։