Հինգշաբթի, 13 օգոստոսի, 2026 թ.
|
Ստեփանակերտում`   +20 °C

Եվրոմիությունը հաստատեց Ռուսաստանի դեմ պատժամիջոցների նոր՝ 21-րդ փաթեթը

Եվրոմիությունը հաստատեց Ռուսաստանի դեմ պատժամիջոցների նոր՝ 21-րդ փաթեթը
6684
Հինգշաբթի, 23 հուլիսի, 2026 թ., 22:44

Եվրոմիությունը Ռուսաստանի Դաշնության դեմ սահմանել է պատժամիջոցների նոր փաթեթ՝ թվով 21-րդը։ ԵՄ խորհրդի հաղորդագրության համաձայն՝ սահմանափակումներ են կիրառվել 170 կազմակերպության և 48 ֆիզիկական անձի նկատմամբ։ Այս մասին հայտնում է Reuters-ը։

Նոր փաթեթը ներառում է նաև կրիպտոակտիվների հետ կապված ծառայությունների նկատմամբ սահմանափակումների ընդլայնում՝ երրորդ երկրների ընկերությունների կողմից նման ծառայությունների հնարավոր ամբողջական արգելքի հիմք ստեղծելով։
ԵՄ-ն ընդլայնել է նաև պատժամիջոցները Ռուսաստանի մետաղագործության և ոսկու ոլորտների նկատմամբ, սահմանափակումներ է կիրառել ադամանդ արդյունահանող խոշոր ընկերություններից մեկի նկատմամբ։

Բացի այդ, պատժամիջոցների շրջանակում սահմանափակումներ են սահմանվել հեռահար գործողության անօդաչու թռչող սարքեր արտադրող ռուսական 37 ընկերության, ինչպես նաև ռուսական ռազմարդյունաբերական համալիրի հետ կապված 56 ֆիզիկական և իրավաբանական անձանց նկատմամբ։

Կարդացե՛ք նաև