«Հայաստանում գինեգործության ավանդույթը ստանում է միջազգային արձանագրում»․ Ժաննա Անդրեասյան

ԿԳՄՍ նախարար Ժաննա Անդրեասյանը ֆեյսբուքյան իր էջում հայտնում է․ ««Արենի 1 քարայր. նախնադարյան կյանքը և գինեգործությունն Արփա գետի հովտում» հայտը գրանցվել է ՅՈՒՆԵՍԿՕ-ի համաշխարհային ժառանգության նախնական ցանկում: Սրանով, ըստ էության, Հայաստանում գինեգործության ավանդույթը և մասնավորապես Արենիում դրա պատմական դրևսորումները ստանում են միջազգային արձանագրում:
Սա 2024-2026 թվականների ընթացքում արդեն չորրորդ հայտն է, որ հետևողական աշխատանքի շնորհիվ գրանցում ենք համաշխարհային ժառանգության նախնական ցանկում՝ 29-ամյա դադարից հետո:
Ընդ որում, Հայաստանն այս օրերին ընթացող Համաշխարհային ժառանգության կոմիտեի աշխատանքներին մասնակցում է որպես կոմիտեի անդամ ընտրված երկիր»: