«Երևանում տարվում են աշխատանքներ հայկական ուշ մոդեռնիզմի 2 կարևորագույն օրինակների վերացման ուղղությամբ». Սարհատ Պետրոսյան

Կադաստրի կոմիտեի նախկին ղեկավար Սարհատ Պետրոսյանի ֆեյսբուքյան գրառումը. «Մի քանի օր առաջ ՅՈՒՆԵՍԿՕ-ի ցանկում ներառվեց Արենի քարանձավն ու շրջակա ձորը, որը վերջին տարիների ցանկում հայկական ամենակարևոր ու արժանի հավելումն էր, չնայած նրան, որ իմ կարծիքով այն լավ կլիներ, որ Նորավանքի ու Արենիի Սբ. Աստվածածնի հետ մեկ հայտով լիներ։ Բայց հույս ունենք նման հարցերը բազմակողմանի են դիտարկվում (չնայած խիստ կասկածում եմ):
Նույն միջոցառման ժամանակ համամարդկային ժառանգության ցանկում ներգրավվեցին ֆիննական մոդեռնիզմի կարևորագույն ճարտարապետ Ալվարո Աալտոյի մեկ տասնյակից ավելի շենքեր։ Նույն օրը (նախնական) ցանկում ներգրավվեցին Տաշքենդի մի քանի 80-ականների կառուցված շենքեր։ Շնորհավորում եմ այս գործում մասնակից իմ գործընկերներին Թիմ Լինդին ու Բորիս Չոխուվիչին:
Նույն օրերին Երևանում տարվում են աշխատանքներ երկու հայկական ուշ մոդեռնիզմի կարևորագույն օրինակների վերացման ուղղությամբ. նախապատրաստական աշխատանքներ քանդելու համար Երևանի Փոստի շենքը, ու հուշարձանների ցանկից հանել (մեկ տարուց ավելի կարճ ժամանակ առաջ ցանկում ներառված) Զվարթնոց օդանավակայանի կլոր համալիրը, կրկին քանդելու նպատակով...»։