Կոլումբիայի նորընտիր նախագահը մտադիր է փակել Ադրբեջանում երկրի դեսպանատունը

Կոլումբիայի նորընտիր նախագահ Աբելարդո դե լա Էսպրիելյան, որը պաշտոնը կստանձնի օգոստոսի 7-ին, հայտարարել է երկրի դիվանագիտական ներկայության կրճատման մասին։ Նախատեսվում է փակել 14 երկրներում գործող դեսպանատները, այդ թվում՝ Ադրբեջանում՝ պետական ծախսերի օպտիմալացման քաղաքականության շրջանակներում: Այս մասին նա հայտնել է Caracol Radio-ի եթերում։ Նրա խոսքով՝ կփակվեն Ալժիրում, Ադրբեջանում, Բարբադոսում, Կուբայում, Չեխիայում, Եթովպիայում, Գանայում, Հայիթիում, Հունգարիայում, Մալայզիայում, Նիկարագուայում, Ռումինիայում, Սենեգալում և Հարավային Աֆրիկայում (ՀԱՀ) գործող դեսպանատները։ Բացի այդ, կդադարեցվի Պաղեստինում դեսպանատուն բացելու գործընթացը։