«Թույլ չենք տա ԱՄՆ-ին որոշել, թե երբ պետք է պատերազմ լինի, երբ՝ խաղաղություն»․ Բաղայի

Իրանի ԱԳՆ պաշտոնական ներկայացուցիչ Էսմայիլ Բաղային ճեպազրույցի ժամանակ հայտնել է, որ Իրանը նավթի «ծառան» չէ՝ պատասխանելով Հորմուզի նեղուցի փակման հետևանքով նավթային ոլորտում առաջացած ճգնաժամի վերաբերյալ հարցին։ «Մեզ համար գլխավորը ազգային շահն ու նպատակահարմարությունն է։ Այդ հարցի վերաբերյալ որոշումները կայացվում են բացարձակ թափանցիկ և հստակ գործընթացով՝ Իրանի Իսլամական Հանրապետությունում որոշումներ ընդունող բոլոր մարմինների մասնակցությամբ, և ԱԳ նախարարությունը դրանցից մեկն է։ Անկասկած, մենք երբեք թույլ չենք տվել և թույլ չենք տա ԱՄՆ-ին որոշել, թե երբ պետք է պատերազմ լինի, իսկ երբ՝ խաղաղություն։ Մենք կպաշտպանվենք այնքան ժամանակ, քանի դեռ դա պահանջում են մեր շահերը, և ամեն անգամ, երբ զգանք, որ ազգային շահերը պաշտպանելու համար կարող ենք օգտագործել դիվանագիտության գործիքը, անպայման կօգտագործենք այն որպես գործիք»,- հայտարարել է Բաղային։