ԱՄՆ-ում տղամարդը սպանել է կնոջն ու վեց երեխաներին, ապա ինքնասպան եղել

3264

Երեքշաբթի, 28 հուլիսի, 2026 թ., 09:46

ԱՄՆ Միչիգան նահանգում տղամարդը կրակել և սպանել է կնոջը, վեց երեխաներին, ապա ինքնասպան եղել: Այս մասին հայտնել են տեղի ոստիկանությունից: Տեղի ունեցածի մասին հայտնի է դարձել դեռևս անցյալ շաբաթ. իշխանությունները հայտնել են, որ նահանգում այրված տանը գտել են երկու մեծահասակների և վեց երեխաների մարմիններ:

Մի շարք փորձաքննություններ անցկացնելուց հետո քննիչները եկել են այն եզրակացության, որ տղամարդը սպանել է կնոջն ու վեց երեխաներին, որոնք 5-ից 15 տարեկան էին։ Նրանցից երկուսը եղել են որդեգրված։

Ոստիկանության ներկայացուցչը նշել է, որ տան մի քանի հատվածներում առաջացած հրդեհը դիտավորության արդյունք է եղել։ Դեպքի առնչությամբ հետաքննությունը շարունակվում է։