Երեքշաբթի, 18 օգոստոսի, 2026 թ.
|
Ստեփանակերտում`   +28 °C

«ԱՄՆ-ն և Սաուդյան Արաբիան հարվածներ են հասցրել Իրաքում ահաբեկիչների դիրքերին»․ CENTCOM

«ԱՄՆ-ն և Սաուդյան Արաբիան հարվածներ են հասցրել Իրաքում ահաբեկիչների դիրքերին»․ CENTCOM
3090
Չորեքշաբթի, 29 հուլիսի, 2026 թ., 09:33

ԱՄՆ ԶՈՒ կենտրոնական հրամանատարությունը (CENTCOM) պնդում է, որ ԱՄՆ-ն և Սաուդյան Արաբիան ճշգրիտ հարվածներ են հասցրել ահաբեկիչներին։

«ԱՄՆ կենտրոնական հրամանատարությունը և Սաուդյան Արաբիայի ուժերն Իրաքում թիրախային հարվածներ են հասցրել Իրանի հետ կապված ահաբեկիչներին, որոնց Իսլամական հեղափոխության պահապանների կորպուսը (ԻՀՊԿ) հրահանգել էր հարձակվել ԱՄՆ ուժերի և Սաուդյան Արաբիայի էներգետիկ ենթակառուցվածքների վրա»,- ասվում է հրամանատարության X սոցիալական ցանցում տարածված հայտարարության մեջ։

Հրամանատարության տվյալներով՝ ամերիկյան և սաուդյան ռազմաօդային ուժերը հարվածներ են հասցրել Իրաքի արևելքում գտնվող զինյալների մի շարք նյութատեխնիկական ապահովման օբյեկտների և զինամթերքի պահեստների՝ ի պատասխան «վերջին 72 ժամվա ընթացքում ԻՀՊԿ-ի կողմից իրականացված ավելի քան 30 անօդաչու թռչող սարքերի հարձակման»։