Հնդկաստանում ջրհեղեղների հետևանքով 78 մարդ է զոհվել

4268

Հինգշաբթի, 30 հուլիսի, 2026 թ., 13:10

Հնդկաստանի Ասամ նահանգում ջրհեղեղների հետևանքով 78 մարդ է զոհվել։ Այս մասին հայտնել է տարերային աղետների հետևանքների վերացման վարչությունը, հաղորդում է Hindi News 18 հեռուստաալիքը։ Աղետից տուժել է մոտ 332,000 մարդ, որոնցից ավելի քան 16,000-ը տեղավորվել են ժամանակավոր կացարաններում։ Մոտ 300,000 մարդ դեռևս գտնվում է աղետի գոտում։

Ջրհեղեղները սկսվել են հուլիսի 19-ին՝ Ասամ և հարևան Նագալենդ նահանգների վրա տեղացած ուժեղ հորդառատ անձրևների պատճառով։ Դիքհոու, Դիսանգ և Դհանսիրի գետերը դուրս են եկել ափերից՝ հեղեղելով հարյուրավոր բնակավայրեր։