«Խաղաղության խորհուրդը պատմական համաձայնության է հասել ՀԱՄԱՍ-ի ամբողջական զինաթափման հարցում»․ Թրամփ

ԱՄՆ նախագահ Դոնալդ Թրամփը հայտարարել է, որ ձեռք է բերվել ՀԱՄԱՍ-ի ամբողջական զինաթափման վերաբերյալ համաձայնություն։ «Այսօր Խաղաղության խորհուրդը պատմական համաձայնության է հասել ՀԱՄԱՍ-ի և Գազայի հատվածում գործող մյուս բոլոր զինված խմբավորումների ամբողջական զինաթափման շուրջ։ Սա հսկայական քայլ է դեպի կայուն խաղաղություն և անվտանգություն»,- գրել է նա իր Truth Social սոցիալական հարթակում։

Նա նաև հայտարարել է, որ Իսրայելը դուրս կբերի իր զորքերը Գազայից, երբ ՀԱՄԱՍ-ը և մյուս խմբավորումներն ամբողջությամբ զինաթափվեն։ «Երբ զինաթափումն ավարտվի, իսրայելական զորքերը դուրս կգան, և միջազգային կայունացման ուժերը՝ նոր պաղեստինյան ոստիկանական ուժերի հետ միասին, կստանձնեն Գազան իր բնակիչների և հարևանների համար անվտանգ դարձնելու պատասխանատվությունը»,- նշել է Թրամփը։