Ուկրաինան հարվածել է Վլադիմիրի մարզում գտնվող Wildberries-ի պահեստին

Վաղ առավոտյան ուկրաինական անօդաչու թռչող սարքերը հարձակվել են Վլադիմիրի մարզում գտնվող Wildberries մարքեթփլեյսի լոգիստիկ կենտրոնի վրա, հաղորդում են ընկերությունից։ Աշխատակիցները տարհանվել են։

Վլադիմիրի մարզի նահանգապետ Ալեքսանդր Ավդեևը հստակեցրել է, որ ուկրաինական ԱԹՍ-ները հարձակվել են Սոբինսկի շրջանում գտնվող պահեստի վրա։ «Կան ավերածություններ, հրդեհ է բռնկվել»,- հավելել է նա։ Մարզի ղեկավարի տվյալներով՝ մեկ մարդ է տուժել։