Միջնորդները փորձում են հասնել ԱՄՆ-ի և Իրանի միջև ուղիղ բանակցությունների վերսկսմանը

Միջնորդները փորձում են հասնել ԱՄՆ-ի և Իրանի միջև ուղիղ բանակցությունների վերսկսմանը, հայտարարել է Կատարի ԱԳՆ պաշտոնական ներկայացուցիչ Մաջիդ ալ-Անսարին։

«Մենք՝ մյուս միջնորդների՝ Պակիստանի և Օմանի հետ միասին, փորձում ենք հասնել ԱՄՆ-ի և Իրանի միջև ուղիղ բանակցությունների վերսկսմանը, և հույս ունենք, որ դա տեղի կունենա մոտ ապագայում»,- Դոհայում կայացած ճեպազրույցի ժամանակ ասել է ալ-Անսարին։

Ավելի վաղ ԶԼՄ-ները հայտնել էին, որ շաբաթ օրը Կատարի ներկայացուցիչները առանձին բանակցություններ են անցկացրել Իրանի ԱԳ նախարար Աբբաս Արաղչիի, ԱՄՆ հատուկ բանագնաց Սթիվ Ուիթքոֆի և Օմանի ներկայացուցիչների հետ՝ փորձելով համաձայնության հասնել Հորմուզի նեղուցի բացման շուրջ։ Ինչպես նշվում է, կողմերին հաջողվել է առաջընթաց գրանցել, թեև դեռևս պարզ չէ՝ արդյոք դա բավարար կլինի լարվածությունը նվազեցնելու համար։