Ռուսաստանը զանգվածային հարվածներ է հասցրել Կիևի մարզին. կան զոհեր

Գիշերը Ռուսաստանը բալիստիկ հրթիռների և հարվածային անօդաչու թռչող սարքերի կիրառմամբ զանգվածային հարձակում է իրականացրել Ուկրաինայի Կիև քաղաքի և Կիևի մարզի վրա։ Հարվածների հետևանքով 15 մարդ է զոհվել, ևս 41-ը՝ վիրավորվել։ Այս մասին հայտնում է Ուկրաինայի արտակարգ իրավիճակների պետական ծառայությունը։ Ըստ հաղորդագրության՝ Կիևի մարզում հարվածի հետևանքով զոհվել է 14 մարդ, ևս 26-ը վիրավոր է։

Հաղորդվում է, որ խոշոր հրդեհներ են բռնկվել Բրովարիում, Բոլշայա Դիմերկա ավանում, ինչպես նաև Կվիտնևոե և Պոբեդա գյուղերում գտնվող պահեստային և լոգիստիկ օբյեկտներում։ Ուկրաինայի արտակարգ իրավիճակների պետական ծառայության տվյալներով՝ Կիևում զոհվել է մեկ մարդ, ևս 15-ը վիրավորվել են։