«ԱՄՆ-ն Ուկրաինային հետախուզական տվյալներ է փոխանցում Ռուսաստանի էներգետիկ ենթակառուցվածքներին հարվածելու համար»․ #TheAtlantic

ԱՄՆ-ն շարունակում է աջակցել Ուկրաինային։ Մասնավորապես, խոսքը Ռուսաստանի էներգետիկ ենթակառուցվածնքներին հարվածներ հասցնելու համար հետախուզական տվյալների փոխանցման և այլ աջակցության մասին է, հայտնում է The Atlantic-ը։
«Միակ բանը, որը ԱՄՆ-ն շարունակում է անվճար տրամադրել, հետախուզական տեղեկատվությունն է, այդ թվում՝ Ուկրաինայի օկուպացված հատվածում ՌԴ բանակի դիրքերին և Ռուսաստանի տարածքում գտնվող էներգետիկ ենթակառուցվածքներին հարվածներ հասցնելու համար նախատեսված տվյալների փաթեթները»,- գրում է պարբերականը։

Բացի այդ, լրատվամիջոցը նշում է, որ Ուկրաինայի հարվածները Ռուսաստանի էներգետիկ ոլորտին նաև օգուտ են տալիս ԱՄՆ-ին։ Մասնավորապես, ռուսական նավթի արտահանման կրճատումը կարող է Հնդկաստանին և Չինաստանին ավելի խոցելի դարձնել Թրամփի մաքսատուրքերի նկատմամբ։