«Զելենսկին Ռուսաստանին այլ ընտրություն չի թողնում, քան շարունակել հատուկ ռազմական գործողությունը»․ Գալուզին

Վլադիմիր Զելենսկու գործողությունները Մոսկվային ստիպում են շարունակել հատուկ ռազմական գործողությունը՝ մինչև դրա բոլոր նպատակների լիակատար իրականացումը։ Այս մասին ТАСС-ին տված հարցազրույցում հայտնել է ՌԴ ԱԳ փոխնախարար Միխայիլ Գալուզինը։

«Զելենսկուն խաղաղություն պետք չէ։ Հակամարտության շարունակությունը նրա և նրա շրջապատի համար իշխանությունը պահպանելու և կատարված հանցավոր արարքների համար պատասխանատվությունից խուսափելու միակ միջոցն է»,- ասել է նա։ «Այս պայմաններում մեզ այլ ընտրություն չի մնում, քան շարունակել ռազմական ճանապարհով հետևողականորեն լուծել Ուկրաինայի ապառազմականացման և ապազգայնականացման խնդիրները, ինչպես նաև վերացնել նրա տարածքից բխող սպառնալիքները»։

«Մենք բանակցային գործընթացի դռները չենք փակում, սակայն գնդակը մեր դաշտում չէ»,- հավելել է Գալուզինը։