Բուլղարիայի ռազմական գործարանում պայթյուն է տեղի ունեցել

Բուլղարիայում՝ Տրյավնա քաղաքի մոտ գտնվող Բելիցա գյուղի ռազմական գործարանում մի շարք պայթյուններ են տեղի ունեցել, որից հետո իշխանությունները տարհանել են մոտ 300 մարդու, հայտնում է DarikNews-ը։

Միջադեպը տեղի է ունեցել տեղական ժամանակով մոտ 11:30-ին՝ ձեռնարկության տարածքում բեռնատարի բռնկումից հետո։ Հրդեհի հետևանքով մի շարք պայթյուններ են եղել, իսկ գործարանի վրա ծխի թանձր ամպեր են բարձրացել։

Ինչպես հայտնում է DarikNews-ը, զոհերի և տուժածների մասին տեղեկություններ չեն ստացվել։ Հրդեհի բռնկման պատճառները պարզվում են։