«Իրանը կգրավի ԱՄՆ-ի բազաները, եթե Վաշինգթոնը միջուկային զենք կիրառի»․ Մոհամմադ Ռեզա Նաղդի

Եթե ԱՄՆ-ն փորձի միջուկային զենք կիրառել Իրանի դեմ, ապա ամբողջ աշխարհում ամերիկյան ռազմաբազաները կգրավվեն։ Այս մասին հայտարարել է Իսլամական հեղափոխության պահապանների կորպուսի (ԻՀՊԿ) գլխավոր հրամանատարի խորհրդական, բրիգադի գեներալ Մոհամմադ Ռեզա Նաղդին։

«Միջուկային զենքի կիրառումը նրանց համար կարող է մեծ սխալ լինել։ Ռումբի կիրառման հաջորդող առավոտյան ամերիկյան բոլոր ռազմական բազաներն ամբողջ աշխարհում կգրավվեն։ Այսօր իրավիճակը տարբերվում է Երկրորդ համաշխարհային պատերազմի ժամանակ եղած իրավիճակից։ Աշխարհի ժողովուրդներն արթնացել են։ Աշխարհում ոչ ոք թույլ չի տա նման հանցագործության իրականացումը, քանի որ հաջորդ անգամ դա կարող է սպառնալ հենց իրենց»,- ասել է նա՝ ամերիկյան PBS հեռուստաալիքին տված հարցազրույցում։