Հրդեհ` Երևանի քաղաքապետարանի 2-րդ մասնաշենքում. մեծ թվով աշխատակիցներ են տարհանվել

572

Հինգշաբթի, 13 օգոստոսի, 2026 թ., 19:54

Այսօր՝ օգոստոսի արտակարգ դեպք է տեղի ունեցել Երևանում։ Ժամը 18:50-ի սահմաններում ահազանգ է ստացվել, որ հրդեհ է բռնկվել Բյուզանդի փողոցի շենքերից մեկում։

Ինչպես հայտնում է ֆոտոլրագրող Գագիկ Շամշյանը, տեղում պարզվել է, որ հրդեհը բռնկվել է Բյուզանդի 1/3 հասցեում՝ Երևանի քաղաքապետարանի 2-րդ մասնաշենքում։

Ըստ նախնական տեղեկությունների բարեբախտաբար տուժածներ չկան։ Հրդեհն էլ բռնկվել է նկուղային հարկում, ինչից առաջացել է ծուխ, որը տեսանելի է մի քանի հարյուր մետրից։

Տարհանվել են մեծ թվով աշխատակիցներ։