«Իսրայելը զարմացած է Իրանի հրթիռային ներուժի վերականգնման արագությունից». #JPost

Իսրայելական ուժային կառույցները չէին սպասում, որ Իրանի հրթիռային ներուժի վերականգնումն այդքան արագ տեղի կունենար, գրում է Jerusalem Post-ը՝ հղում կատարելով զինվորական շրջանակներում իր աղբյուրներին։

Ապրիլին հակամարտության հիմնական փուլի ավարտից հետո իսրայելական զինվորականները կարծում էին, որ հասցված հարվածները բավարար վնաս են պատճառել Իրանի ռազմարդյունաբերական համալիրին՝ դրա զարգացումը մի քանի տարով դանդաղեցնելու համար։ Սակայն, ինչպես նշում է պարբերականը, չորս ամիս անց Իսրայելի պաշտպանության բանակը (ՑԱՀԱԼ) արձանագրում է միանգամից մի քանի ուղղություններով վերականգնում, որը սպասվածից զգալիորեն արագ է ընթանում։

«Իսրայելի պաշտպանության գերատեսչության ներկայացուցիչներն ընդունում են, որ Իրանը նորարարական եղանակներ է գտնում իր հրթիռային զինանոցի վերականգնման համար»,- գրում է պարբերականը։