«Թուրքիան հասկանում է, որ իրեն երբեք չեն ընդունի ԵՄ»․ Լավրով

Թուրքիան հասկանում է, որ իրեն երբեք չեն ընդունի ԵՄ։ Այս մասին հայտարարել է ՌԴ ԱԳ նախարար Սերգեյ Լավրովը։

«Թուրքիան ցանկանում է լինել և՛ ՆԱՏՕ-ի անդամ՝ որպես դաշինքի ամենամեծ բանակ, և՛ հարաբերություններ ունենալ Եվրոմիության հետ, թեև հոգու խորքում հասկանում է, որ իրեն երբեք չեն ընդունի ԵՄ։ Թուրքիան ցանկանում է լավ հարաբերություններ ունենալ Ռուսաստանի հետ, քանի որ մենք բազմաթիվ տնտեսական ծրագրեր ունենք, ինչպես նաև շատ ընդհանրություններ մեր պատմության մեջ՝ Կովկասը, Սև ծովը։ Թուրքիան անկեղծորեն շահագրգռված է, որ Սև ծովը կայուն լինի»,- ասել է նա։