«Հետաքրքիր, յուրօրինակ ու ֆենոմենալ տիպ է եղել Ազնավուրը». Գոռ Մադոյան

Վերլուծաբան Գոռ Մադոյանի ֆեյսբուքյան գրառումը․ «Ազնավուրի նոր կինոն էի նայում ու մտածում թե ինչ կարգի աշխատասեր, նպատակասլաց ու մարկետինգի գուրու դեմք ա եղել: Աշխատածը դրել գովազդի վրա, թրենդներին հետևել, երգացանկը կազմել ըստ գրավչության ու պրովոկատիվության: Աշխատանքն ու արվեստագետի էգոն միշտ առաջին տեղում, ընտանիքին սիրել ու օգնել ա, բայց երբեք ընտանիքի մարդ չի եղել (ո՞ր մեծ արվեստագետն ա ընտանիքի մարդ եղել): Հետաքրքիր, յուրօրինակ ու ֆենոմենալ տիպ ա եղել Ազնավուրը, ինքն իրեն ստեղծած ու կերտած, ինքն իրեն քանդող ու հավաքող, հազար սահմանափակում ու դժվարություն հաղթահարած, բայց իսկական ֆրանսիացի՝ ֆրանսիական մշակույթի, երաժշտական, հասարակական ազատական խառնարանի մասնիկ ու ներկայացուցիչ»: