Իրանը նշել է Հորմուզի նեղուցի բացման պայմանները

Հորմուզի նեղուցը փակ կմնա մինչև Միացյալ Նահանգների կողմից ԱՄՆ-Իրան հուշագրի պայմանները կատարելը, ներառյալ շրջափակման վերացումը, ակտիվների ապասառեցումը և նավթային պատժամիջոցների վերացումը։ Այս մասին հայտարարել է Իրանի խորհրդարանի խոսնակ Մոհամմադ Բաղեր Ղալիբաֆը, փոխանցում է Mehr գործակալությունը։ Ըստ պաշտոնյայի՝ հուշագրի շրջանակներում ձեռք բերված հրադադարի համաձայնագիրը թույլ տվեց Իրանին ամրապնդել իր տնտեսական կայունությունը և վերականգնել պաշտպանական ներուժը։