«Անվտանգության աշխատակիցները մոտենան ու դո՛ւրս հանեն պարոն Ղազինյանին». Վահագն Ալեքսանյան

ԱԺ-ում իրավիճակը լարվեց: Երբ ընդդիմադիր Արեգա Հովսեփյանի եզրափակիչ ելույթից հետո ՔՊ-ական փոխխոսնակ Վահագն Ալեքսանյանը սկսեց արձագանքել, դահլիճից հնչեցին քննադատություններ: Փոխխոսնակը ընդդիմադիր Դավիթ Ղազինյանին նկատողություն հայտարարեց՝ հորդորելով տեղից չխոսել: Նրա նկատմամբ կիրառվեց կարգապահական պատասխանատվություն՝ հեռացում դահլիճից: «Դո՛ւրս եկեք դահլիճից, պարո՛ն Ղազինյան: Ես խնդրում եմ՝ անվտանգության աշխատակիցները մոտենան ու պարոն Ղազինյանին դուրս հանեն... Շատ լավ, ինքը դուրս է գալիս»,- ասաց Ալեքսանյանը: