«Ռուսաստանից ոչ ոք Ռոբերտ Քոչարյանի հարցով չի զանգահարել, և հույս ունեմ՝ չի զանգահարի»․ Ալեն Սիմոնյան

Հայաստանի Անվտանգության խորհրդի քարտուղար Ալեն Սիմոնյանը հայտնել է, որ Ռուսաստանից առայժմ որևէ զանգ չի եղել՝ կապված երկրի նախկին նախագահ Ռոբերտ Քոչարյանի շուրջ ստեղծված իրավիճակի հետ։ Այս մասին նա ասել է «Дождь» հեռուստաալիքի եթերում։

«Այս պահի դրությամբ Ռուսաստանից ոչ ոք Ռոբերտ Քոչարյանի հարցով չի զանգահարել, և ես հույս ունեմ, որ ոչ ոք չի զանգահարի, քանի որ դա իմաստ չունի»,- նշել է Սիմոնյանը։

Իսկ լրագրողի հարցին, թե կարելի՞ է արդյոք Ռոբերտ Քոչարյանին Հայաստանում Պուտինի մարդ համարել, Սիմոնյանը պատասխանել է, որ «եթե նայեք Քոչարյանի և այն կուսակցության հռետորաբանությանը, որը նրանք ներկայացնում են, ապա շատ հաճախ, և հիմնականում, դրանք համընկնում են Մոսկվայից հնչող հռետորաբանության հետ»։