Ուրբաթ, 16 հոկտեմբերի, 2026 թ.
|
Ստեփանակերտում`   +23 °C

Վրաստանի փոխվարչապետը հայտնել է քաղաքականությունից հեռանալու մասին

Վրաստանի փոխվարչապետը հայտնել է քաղաքականությունից հեռանալու մասին
1449
Հինգշաբթի, 27 օգոստոսի, 2026 թ., 17:48

Վրաստանի տարածաշրջանային զարգացման նախարար, փոխվարչապետ Մամուկա Մդինարաձեն հայտարարել է, որ լքում է զբաղեցրած պաշտոնը և հեռանում քաղաքականությունից։ Նրա խոսքով՝ այս որոշման մասին ինքը «մտածում էր վերջին մի քանի շաբաթների ընթացքում»։

«Ես որոշել եմ հեռանալ պաշտոնից և քաղաքականությունից։ Երկար չեմ խոսի․ ինձ համար այս 10 տարիները եղել են աշխատանքի, հայրենիքին նվիրվածության և մեծ գործերի տարիներ, որոնք մենք միասին՝ ընկերներիս հետ, իրականացրել ենք», — նշել է նա։

Հաղորդվում է, որ Մամուկա Մդինարաձեն տարածաշրջանային զարգացման նախարար է դարձել այս տարվա հուլիսին։ Նա նաև պետք է զբաղեցներ տարածաշրջանային քաղաքականության հարցերով պետական նախարարի պաշտոնը․ համապատասխան պաշտոնը նախատեսվում էր ստեղծել սեպտեմբերին։ Ավելի վաղ Մդինարաձեն ղեկավարում էր Պետական անվտանգության ծառայությունը, իսկ 2026 թվականի ապրիլին նա նշանակվել էր փոխվարչապետ և իրավապահ մարմինների համակարգման հարցերով պետական նախարար։