Դավթաշենում արմատից փտած հաստաբուն ծառը տապալվել և փակել է ճանապարհը

Երեկ՝ օգոստոսի 29-ին, արտակարգ դեպք է տեղի ունեցել Երևանում։ Ժամը 20:10-ի սահմաններում Դավթաշեն 1-ին թաղամասի 36 շենքի բակում հաստաբուն ծառը, որն արմատից փտած է եղել, տապալվել է։
Ինչպես հայտնում է ֆոտոլրագրող Գագիկ Շամշյանը, ծառն ամբողջությամբ փակել է երթևեկելի գոտին, իսկ ծառի ճյուղերն էլ ընկել են կայանված «Nissan» մակնիշի ավտոմեքենայի վրա։ Բարեբախտաբար տուժածներ չկան, մեքենան էլ չի վնասվել։ Դավթաշենի թաղապետարանից ոչ մի պատասխանատու կամ աշխատակից այդպես էլ չի ժամանել։