Երեքշաբթի, 01 սեպտեմբերի, 2026 թ.
|
Ստեփանակերտում`   +22 °C

««Ռուսական երկաթուղիներ»-ը բաց է Հայաստանի հետ երկխոսության համար»․ Բելոզյորով

««Ռուսական երկաթուղիներ»-ը բաց է Հայաստանի հետ երկխոսության համար»․ Բելոզյորով
74
Այսօր, 14:30

«Ռուսական երկաթուղիներ» ընկերությունը կատարում է Հայաստանի հետ կոնցեսիոն պայմանագրի բոլոր կետերը և պատրաստ է տարբեր հարցերի ու առաջարկների շուրջ երկխոսության, Известия-ին տված մեկնաբանությունում հայտարարել է ընկերության ղեկավար Օլեգ Բելոզյորովը։

Նա նշել է, որ «Ռուսական երկաթուղիներ»-ը մշտական կապի մեջ է հայ գործընկերների հետ և իր հերթին շատ խստապահանջ է պայմանագրի բոլոր կետերի կատարման հարցում, որոնք գործում են համատեղ փաստաթղթերի համաձայն։

«Համապատասխանաբար, առաջանում են տարբեր հարցեր և առաջարկներ, որոնք մենք համատեղ քննարկում ենք և նախանշում որոշակի գործողություններ։ Հայ գործընկերները մեզ տարբեր հարցեր են ուղղում։ Մենք բաց ենք երկխոսության համար»,- նշել է Բելոզյորովը։