Հինգշաբթի, 05 նոյեմբերի, 2026 թ.
|
Ստեփանակերտում`   +11 °C

«ՄԱԿ-ը որևէ դեր չի խաղացել Անվտանգության խորհրդի բանաձևերի կատարման գործում»․ Ալիև

«ՄԱԿ-ը որևէ դեր չի խաղացել Անվտանգության խորհրդի բանաձևերի կատարման գործում»․ Ալիև
380
Երեքշաբթի, 01 սեպտեմբերի, 2026 թ., 15:36

Միավորված ազգերի կազմակերպությունը որևէ դեր չի ունեցել հայ-ադրբեջանական հակամարտության կարգավորմանն առնչվող ՄԱԿ-ի Անվտանգության խորհրդի չորս բանաձևերի կատարման գործում։ Այս մասին հայտարարել է Ադրբեջանի նախագահ Իլհամ Ալիևը՝ «ՇՀԿ+» ձևաչափի հանդիպման ժամանակ։

«1993 թվականին ընդունված ՄԱԿ-ի Անվտանգության խորհրդի չորս բանաձևերը կատարվել են 30 տարի անց՝ երեք տարի առաջ։ Սակայն, ցավոք, ՄԱԿ-ը որևէ դեր չի ունեցել այդ բանաձևերի իրականացման գործում։ Ադրբեջանն ինքնուրույն է ամբողջությամբ վերականգնել իր ինքնիշխանությունն ու տարածքային ամբողջականությունը»,- ասել է նա։

Իլհամ Ալիևը նշել է համապատասխան մեխանիզմների մշակման անհրաժեշտությունը, որոնք կապահովեն ՄԱԿ-ի Անվտանգության խորհրդի բանաձևերի իրականացումը հնարավորինս կարճ ժամկետներում։ «Եթե դա արվի, ապա ՄԱԿ-ի հեղինակությունը կբարձրանա, և կազմակերպության դերը հակամարտությունների կարգավորման գործում կամրապնդվի»,- նշել է Ադրբեջանի նախագահը։