Եգիպտոսում ուղևորատար ավտոբուսի վթարի հետևանքով առնվազն 16 մարդ է զոհվել

1543

Չորեքշաբթի, 02 սեպտեմբերի, 2026 թ., 12:48

Եգիպտոսի Սինայի թերակղզում ուղևորատար ավտոբուսի մասնակցությամբ վթարի հետևանքով առնվազն 16 մարդ է զոհվել։ Այս մասին հաղորդվում է Եգիպտոսի առողջապահության նախարարության էջում։ Նշվում է, որ 28 տուժած տեղափոխվել է հիվանդանոցներ՝ անհրաժեշտ բժշկական օգնություն ստանալու համար։

Հաղորդվում է, որ վթարը տեղի է ունեցել առավոտյան՝ Հարավային Սինայի նահանգի Ալ-Սաադա բնակավայրի շրջանում։ Վթարի պատճառները չեն հաղորդվում, ոստիկանությունը հետաքննություն է անցկացնում։