Պատմության մեջ առաջին անգամ 65 տարեկանից բարձր մարդկանց թիվը գերազանցել է մինչև 5 տարեկան երեխաների թիվը

Պատմության մեջ առաջին անգամ 65 տարեկան և բարձր մարդկանց թիվը գերազանցել է մինչև 5 տարեկան երեխաների թիվը։ Սա պայմանավորված է ծնելիության ցածր մակարդակով և ամբողջ աշխարհում կյանքի տևողության աճով, հաղորդում է Axios-ը՝ հղում անելով ԱՄՆ-ի մարդահամարի բյուրոյի զեկույցին։

Ծնելիության մակարդակի անկումը և կյանքի տևողության աճը փոխել են աշխատունակ և տարեց բնակչության միջև ժողովրդագրական հավասարակշռությունը։ Կանխատեսումների համաձայն՝ մինչև 2060 թվականը 65 տարեկանից բարձր մարդկանց թիվը 852 միլիոնից (2025 թվականին) կաճի մինչև 2 միլիարդ։ Այդ ժամանակ մոլորակի ընդհանուր բնակչությունը կգերազանցի 10 միլիարդը։ Զեկույցում նշվում է, որ 2013 թվականին աշխարհի բնակչության 45%-ը բնակվում էր այն երկրներում, որտեղ ծնելիության մակարդակը մեկ կնոջ հաշվով կազմում է 2.1 երեխա կամ ավելի ցածր։ Մինչև 2023 թվականը այս ցուցանիշը հասել է 71%-ի։

Ներկայում Չինաստանում և Հնդկաստանում՝ աշխարհի երկու ամենաշատ բնակչություն ունեցող երկրներում, ծնելիության մակարդակը ցածր է փոխարինման մակարդակից (2.1)։ Ցածր ցուցանիշ է նաև Բանգլադեշում, Մեքսիկայում և Վիետնամում։