«ԵՄ-ն միացել է Իրանի տնտեսական մեկուսացմանն ուղղված ԱՄՆ-ի գործողությանը»․ Բեսենթ

Եվրոմիությունը միանում է Իրանի վրա տնտեսական ճնշում գործադրելու գործողությանը, հայտարարել է ԱՄՆ ֆինանսների նախարար Սքոթ Բեսենթը։

«Եվրոմիությունը պաշտոնապես միացել է «Տնտեսական մեկուսացում» գործողությանը, և մենք բարձր ենք գնահատում նրա վճռական դիրքորոշումը», - գրել է Բեսենթը X սոցիալական ցանցում։

Նա նշել է, որ ԱՄՆ-ն դաշնակիցների հետ միասին մտադիր է թույլ չտալ, որպեսզի Իրանը «օգտագործի համաշխարհային ֆինանսական համակարգը՝ իր միջուկային հավակնությունների, սպառազինությունների ստեղծման ծրագրերի և ահաբեկչական դաշանակից զինված խմբավորումների ֆինանսավորման համար»։

«Աշխարհը հստակ ուղերձ է հղում Իրանի ռեժիմին․ մենք չենք կանգնելու, քանի դեռ չենք կտրել մնացած բոլոր ֆինանսական ուղիները», — հավելել է ԱՄՆ ֆինանսների նախարարը։

Իրանը երկար տարիներ գտնվում է ԱՄՆ տնտեսական պատժամիջոցների ներքո, սակայն օգոստոսին Վաշինգթոնը սկսել է «Տնտեսական մեկուսացում» գործողությունը՝ երկիրը ֆինանսական առումով էլ ավելի մեկուսացնելու նպատակով՝ փորձելով ստիպել նրան զիջումների գնալ արդեն վեցերորդ ամիսը շարունակվող հակամարտությունում։