«Ռուսաստանը պատրաստ է Ուկրաինայի հարցով շփումների․ խնդիրը պարտավորությունների իրականացումն է»․ Զախարովա

Ռուսաստանը պատրաստ է Ուկրաինայի հարցով հետագա շփումներին, «Известия»-ի հետ զրույցում հայտարարել է ՌԴ ԱԳՆ պաշտոնական ներկայացուցիչ Մարիա Զախարովան։

«Մենք միշտ ասել ենք, որ դեմ չենք որևէ շփման, ընդհակառակը՝ կողմ ենք դրանց և միշտ մասնակցում ենք այդ շփումներին։ Մենք ասում ենք, որ պատրաստ ենք նաև նման հետագա շփումների։ Միայն մի փոքր նրբություն կա․ հարցը միայն խոսքերին չի վերաբերում, այլ նաև ձեռք բերված պայմանավորվածությունները գործնականում իրականացնելուն։ Մեր կողմից, որքան հիշում եմ, երբեք որևէ մեկին չենք հիասթափեցրել», — ասել է Զախարովան՝ պատասխանելով Ուկրաինայի հարցով հետագա շփումների վերաբերյալ հարցին։