Մեկնարկել է Վլադիմիր Պուտինի հանդիպումը Ուիթքոֆի և Քուշների հետ

Մեկնարկել է Ռուսաստանի նախագահ Վլադիմիր Պուտինի հանդիպումը ԱՄՆ բանագնացներ Ուիթքոֆի և Քուշների հետ։ Հանդիպումն անցկացվում է Կրեմլի Սենատական պալատի ներկայացուցչական աշխատասենյակում։ Բանակցությունների մեկնարկից առաջ Ռուսաստանի նախագահը ձեռքսեղմումով ողջունել է ամերիկացի ներկայացուցիչներին։ Հանդիպմանը մասնակցում են նաև ՌԴ նախագահի օգնական Յուրի Ուշակովը և օտարերկրյա պետությունների հետ ներդրումային և տնտեսական համագործակցության հարցերով ՌԴ նախագահի հատուկ ներկայացուցիչ, Ռուսաստանի ուղղակի ներդրումների հիմնադրամի ղեկավար Կիրիլ Դմիտրիևը։