ԱՄԷ-ն մտադիր է վերականգնել Իրանի հետ հարաբերությունները

Արաբական Միացյալ Էմիրությունները՝ Մերձավոր Արևելքում հակամարտության ավարտից հետո վաղ թե ուշ ստիպված կլինի վերականգնել Իրանի հետ հարաբերությունները։ Այս մասին հայտարարել է ԱՄԷ նախագահի դիվանագիտական հարցերով խորհրդական Անվար Գարգաշը։

«Իրանի հետ հարաբերությունները շարունակում են առանցքային հարց մնալ ոչ միայն ԱՄԷ-ի, այլև Պարսից ծոցի բոլոր երկրների համար։ Իրանը շարունակում է մնալ մեր հարևանը, և ինչ-որ պահի մենք ստիպված կլինենք գտնել միջոց վերականգնելու այն, ինչը հնարավոր է վերականգնել։ Աշխարհագրությունը մեզ այլընտրանք չի թողնում»,- ասել է նա՝ Աբու Դաբիում կայացած Hili Forum միջազգային համաժողովի ընթացքում, որը նվիրված էր Մերձավոր Արևելքի աշխարհաքաղաքականության, տնտեսության և անվտանգության հարցերին։