Իրանի խորհրդարանում ԱՄՆ-ին խորհուրդ են տվել «չխայտառակվել» և հեռանալ Մերձավոր Արևելքից

Իրանի խորհրդարանի փոխխոսնակ Ալի Նիքզադն ԱՄՆ-ին խորհուրդ է տվել հեռանալ Մերձավոր Արևելքից։

«Իրականությունից կտրված ԱՄՆ կառավարությանը մեր խորհուրդն է՝ ավելի չխայտառակվել և հնարավորինս շուտ հեռանալ Մերձավոր Արևելքի և Պարսից ծոցի տարածաշրջանից»,- նրա խոսքերն է մեջբերում IRNA-ն։

Նիքզադը նախազգուշացրել է, որ Իրանը մինչ այժմ ԱՄՆ ռազմակայաններին և նավերին հարվածներ հասցնելիս օգտագործել է իր հնարավորությունների միայն մի մասը։

«Այս պատերազմը ոչնչացրել է ԱՄՆ-ի պատրանքային հզորությունը, և այսօր միջազգային հանրությունն ու ազատ ժողովուրդների արթնացած խիղճն ավելի հստակ են տեսնում իրականությունը»,- հավելել է նա։