«Միամտություն է կարծել, որ Զելենսկու օդային շանտաժը կարող է կոտրել Ռուսաստանին»․ Զախարովա

Միամտություն է կարծել, թե Վլադիմիր Զելենսկու՝ Ռուսաստանի երկնքում քաղաքացիական ինքնաթիռների հասցեին նախազգուշացումները կարող են կոտրել Ռուսաստանին, հայտարարել է ՌԴ ԱԳՆ պաշտոնական ներկայացուցիչ Մարիա Զախարովան։

«Մենք մեր պատմության ընթացքում տարբեր իրավիճակներ ենք հաղթահարել, նվաճողական տարբեր պատերազմներ ենք տեսել, որոնք վարվել են մեր երկրի դեմ... Մի՞թե որևէ մեկը կարծում է, որ մեզ հնարավոր է կոտրել»,- ասել է Զախարովան՝ անդրադառնալով Զելենսկու սպառնալիքներին։

Ավելի վաղ Ուկրաինայի նախագահ Վլադիմիր Զելենսկին ավիաընկերություններին նախազգուշացրել էր, որ Ռուսաստանի օդային տարածքը «դառնում է անապահով»: