«Լոս Անջելեսում փորձել են կողոպտել Տարանտինոյի առանձնատունը»․ #NYP

1567

Հինգշաբթի, 10 սեպտեմբերի, 2026 թ., 12:55

Լոս Անջելեսի ոստիկանությունը փնտրում է անհայտ անձի, որը փորձել է կողոպտել Հոլիվուդ Հիլզ շրջանում գտնվող առանձնատունը, որը, ըստ առկա տեղեկությունների, պատկանում է ռեժիսոր Քվենթին Տարանտինոյին։ Այս մասին հայտնում է New York Post-ը՝ հղում կատարելով ոստիկանությանը։

Իրավապահների տեղեկություններով՝ միջադեպը տեղի է ունեցել սեպտեմբերի 9-ի ցերեկը։ Տղամարդը ներխուժել է Մալհոլանդ Դրայվից վերև գտնվող եռահարկ տան երկրորդ հարկ։ Նշվում է, որ կասկածյալին նկատել է տարածքում աշխատող այգեպանը։ Նրա նկարագրությամբ՝ կասկածյալը մոտ 35 տարեկան տղամարդ է։ Նշվում է, որ ոստիկանության ժամանման պահին ենթադրյալ գողն արդեն փախել էր։