«Զելենսկին պետք է դադարեցնի Ռուսաստանում դիզելային վառելիքի արտադրության վրա հարձակումները». Թրամփ

ԱՄՆ նախագահ Դոնալդ Թրամփը կոչ է արել Վլադիմիր Զելենսկիին դադարեցնել Ռուսաստանի վառելիքային ենթակառուցվածքների վրա հարձակումները։

«Զելենսկին պետք է մեկ բան անի. դադարեցնի դիզելային վառելիքի արտադրությունը Ռուսաստանում դադարեցնելը… Նա դիզելային վառելիքի պակաս է ստեղծում։ Սա Մերձավոր Արևելքի մասին չէ, այլ Ռուսաստանի և Ուկրաինայի միջև հակամարտության», - ասել է նա լրագրողներին Իռլանդիա կատարած այցի ժամանակ։

Ավելի վաղ ԱՄՆ էներգետիկայի նախարար Քրիս Ռայթը հայտարարել էր, որ Ուկրաինայի հարձակումները ռուսական նավթավերամշակման գործարանների վրա դիզելային վառելիքի համաշխարհային մատակարարման վրա ազդող գործոններից մեկն էին։ Նա նշել էր, որ դրա հետևանքով առաջացած խափանումներն արդեն իսկ համաշխարհային շուկայում ազդում են վառելիքի գների վրա ։