«Իրանը Օմանում կայանալիք հանդիպման ժամանակ կներկայացնի Հորմուզի նեղուցով անցնող նոր երթուղի». Արաղչի

Իրանը Օմանում կայանալիք հանդիպման ժամանակ կներկայացնի Հորմուզի նեղուցով անցնող նոր երթուղի, հայտարարել է Իրանի արտգործնախարար Աբբաս Արաղչին։

«Այս հանդիպման ժամանակ մասնակից երկրներին կներկայացվի [Իրանի և Օմանի միջև ձեռք բերված համաձայնագրի] մանրամասները։ Նրանց կներկայացվեն համապատասխան քարտեզները, և կկազմակերպվի համատեղ հայտարարություն, որպեսզի այդ փաստաթղթերը վերջնականապես ներկայացվեն ՄԱԿ-ի Միջազգային ծովային կազմակերպություն (IMO) գրանցման համար», - նրա խոսքերն է փոխանցում Al-Araby Al-Jadeed-ը։

Հանդիպման ընթացքում նախատեսվում է Թեհրանի և Մասկատի միջև համաձայնագրի ստորագրում։ Սակայն դա չի ենթադրում նեղուցի ընդհանուր շրջափակման վերացում։