Հինգշաբթի, 05 նոյեմբերի, 2026 թ.
|
Ստեփանակերտում`   +13 °C

Իրանում Ավստրիայի դիվանագիտական առաքելության ղեկավարին կանչել են ԱԳՆ

Իրանում Ավստրիայի դիվանագիտական առաքելության ղեկավարին կանչել են ԱԳՆ
887
Երկուշաբթի, 14 սեպտեմբերի, 2026 թ., 13:06

Իսլամական Հանրապետությունում Ավստրիայի դիվանագիտական առաքելության ղեկավարին կանչել են ԱԳՆ՝ Վիեննայի կողմից Իրանի փոխնախագահ և Ատոմային էներգիայի կազմակերպության ղեկավար Մոհամմադ Էսլամիին, որը պետք է մասնակցեր ԱԷՄԳ-ի Գլխավոր համաժողովի 70-րդ նստաշրջանին, մուտքի արտոնագիր չտրամադրելու կապակցությամբ։ Այս մասին հայտնել է Իրանի ԱԳՆ պաշտոնական ներկայացուցիչ Էսմայիլ Բաղային։

«Նրանք պարտավոր էին մուտքի արտոնագիր տրամադրել իրանական պատվիրակությանը՝ միջազգային բոլոր նորմերին համապատասխան։ Մենք անհապաղ քայլեր ձեռնարկեցինք և կանչեցինք Ավստրիայի գործերի ժամանակավոր հավատարմատարին՝ բողոք ներկայացնելու նպատակով»,- ասել է նա։ Ըստ Բաղայիի՝ այն փաստը, որ Վիեննան մերժել է մուտքի արտոնագրի տրամադրումը Վաշինգթոնի ճնշման ներքո, չի ազատում Ավստրիային իր գործողությունների համար պատասխանատվությունից։

Ավելի վաղ Bloomberg-ը՝ հղում կատարելով իր աղբյուրին, հայտնել էր, որ Ավստրիայի իշխանությունները՝ ԱՄՆ-ի պահանջով, մերժել են Մոհամմադ Էսլամիի մուտքը երկիր, ինչի հետևանքով նա չի կարողանա ելույթ ունենալ ԱԷՄԳ-ի գլխավոր համաժողովում։

Կարդացե՛ք նաև