«Կարմիր ծովում լարվածության սրման ֆոնին ԱՄՆ-ն ուղղակի կապ է հաստատել հութիների հետ». Վենս

ԱՄՆ փոխնախագահ Ջեյ Դի Վենսը հայտարարել է, որ ԱՄՆ-ն անմիջական կապ է հաստատել Եմենի հյուսիսում իշխանությունը վերահսկող շիական «Անսար Ալլահ» շարժման (հութիների) հետ՝ Կարմիր ծովի շրջանում նրանց ակտիվության ֆոնին։

«Մենք մշտական կապի մեջ ենք Էմիրությունների և Սաուդյան Արաբիայի, ինչպես նաև տարածաշրջանի այլ երկրների հետ, այդ պատճառով ԱՄՆ վարչակազմը ուշադիր հետևում է իրավիճակին։ Մենք նաև ուղիղ բանակցություններ ենք վարում հենց հութիների հետ», — լրագրողներին ասել է Վենսը՝ Կանզաս մեկնելուց առաջ։

ԱՄՆ փոխնախագահը հավելել է, որ ԱՄՆ-ն վերահսկում է իրավիճակը, սակայն ընդունել է, որ այն շարունակում է անկայուն մնալ։

CNN-ը՝ հղում կատարելով իր աղբյուրներ«ն, հայտնել է, որ ԱՄՆ-ից ավելի քան 100 ռազմական խորհրդական է ժամանել Սաուդյան Արաբիա՝ հութիների դեմ ռազմական գործողության հարցում Էր Ռիադին աջակցելու նպատակով։