«ՀԱՊԿ-ին մտահոգում է իր սահմանների մոտ ՆԱՏՕ-ի ռազմական ենթակառուցվածքների ստեղծումը»․ Մասադիկով

Հավաքական անվտանգության պայմանագրի կազմակերպությանը (ՀԱՊԿ) մտահոգում է իր սահմանների մոտ ՆԱՏՕ-ի ռազմական ենթակառուցվածքների ստեղծումը։ Այս մասին ասվում է ՀԱՊԿ գլխավոր քարտուղար Թաալաթբեկ Մասադիկովի՝ «Национальная оборона» ամսագրում հրապարակված հոդվածում։

«Հավաքական անվտանգության պայմանագրի կազմակերպությանը չեն կարող չմտահոգել այնպիսի երևույթներ, ինչպիսիք են ՆԱՏՕ-ի երկրների ռազմատենչ հայտարարությունները ՀԱՊԿ անդամ մի շարք պետությունների հասցեին, ինչպես նաև կազմակերպության պատասխանատվության գոտու սահմանների մոտ ռազմական ենթակառուցվածքների ստեղծումը»,- նշել է նա։

ՀԱՊԿ գլխավոր քարտուղարի խոսքով՝ տեղի ունեցող իրադարձությունների սթափ վերլուծությունը վկայում է, որ ստեղծված իրավիճակը չի համապատասխանում կառուցողական նպատակներ հետապնդող որևէ երկրի կամ միջազգային միավորման շահերին։