«Ռուսաստանը երբեք չի փոխել իր դիրքորոշումը Ուկրաինայի շուրջ բանակցություններում»․ Լավրով

Ռուսաստանը երբեք չի փոխել իր դիրքորոշումը Ուկրաինայի շուրջ բանակցություններում, հայտարարել է ՌԴ ԱԳ նախարար Սերգեյ Լավրովը։

«Մենք հատուկ ռազմական գործողության մեկնարկից ի վեր, երբ հայտարարեցինք մեր առջև դրված խնդիրները, ոչ մի անգամ, երբեք չենք փոխել մեր դիրքորոշումը»,- ասել է Լավրովը՝ Ուկրաինայի շուրջ ստեղծված իրավիճակին նվիրված դեսպանական կլոր սեղանի ժամանակ։ «Մենք պատրաստ ենք այդ դիրքորոշման շրջանակում փնտրել ողջամիտ փոխզիջումներ, սակայն սկզբունքորեն չենք փոխել մեր առջև դրված խնդիրները, որոնք վերաբերում են մեր անվտանգությունն ապահովելուն, մեր սահմանների մոտ ՆԱՏՕ-ի հայտնվելը թույլ չտալուն և այն ռուսների ու ռուսախոս մարդկանց օրինական իրավունքներն ապահովելուն, որոնք դարեր շարունակ ապրել են այս հողերում»,- նշել է նա։