«ԱՄՆ-ի՝ Իրանի հետ հակամարտությունը մի քանի ամսից նոր փուլ կմտնի»․ Վենս

ԱՄՆ-ի՝ Իրանի հետ հակամարտությունը շուտով կանցնի նոր փուլ, հայտարարել է ԱՄՆ փոխնախագահ Ջեյ Դի Վենսը։

«Մենք չենք կարող կանխատեսել ապագան, բայց կարծում եմ՝ նախագահը ճիշտ է, երբ ասում է, որ մի քանի ամիս անց այս ամենը կմտնի բոլորովին այլ փուլ»,- նշել է նա՝ New York Post-ին տված հարցազրույցում։

Նրա խոսքով՝ առաջին փուլը՝ Իրանի միջուկային ծրագրի և զինված ուժերի ոչնչացումը, արդեն ավարտվել է, իսկ երկրորդ փուլը կլինի՝ թույլ չտալ Իրանին վերականգնել իր նախկին կարողությունները։

Նշենք, որ անցած շաբաթ Թրամփը հայտարարել էր, որ ԱՄՆ-ի և Իրանի միջև հակամարտությունը կավարտվի նոյեմբերին կայանալիք ԱՄՆ Քոնգրեսի միջանկյալ ընտրություններից անմիջապես հետո։ Միևնույն ժամանակ նա չէր բացառել, որ հնարավոր է համաձայնության հասնել նաև ընտրություններից առաջ։