«Արևմուտքի հետ ցանկացած պայմանավորվածության պետք է զգուշությամբ մոտենալ»․ Լավրով

Ռուսաստանի ԱԳ նախարար Սերգեյ Լավրովը հայտարարել է, որ Արևմուտքի հետ ձեռք բերված ցանկացած պայմանավորվածության պետք է զգուշությամբ մոտենալ։

«Այն, թե ինչպես է Արևմուտքը գործում, կարծում եմ, արդեն շատերին է համոզել, որ պետք է ավելի զգուշությամբ մոտենալ պետությունների այս խմբի հետ ձեռք բերված ցանկացած պայմանավորվածության, քանի որ նրանք առանց վարանելու կարող են մեկ ակնթարթում հրաժարվել իրենց բոլոր պայմանավորվածություններից և անտեսել իրենց բոլոր այն սկզբունքները, որոնք տասնամյակներ շարունակ առաջ են մղել միջազգային հարթակներում՝ գլոբալացման հայեցակարգի շրջանակում», — ասել է նա Ռուսոֆիլների միջազգային շարժման IV համագումարի պաշտոնական բացման արարողության ժամանակ։