«Ընտրություններին մասնակցությունը կլինի պատասխան նրանց, ովքեր ցանկանում են թուլացնել Ռուսաստանը»․ Լավրով

ՌԴ խորհրդարանական ընտրություններին մասնակցությունը կլինի ընդհանուր պատասխան նրանց, ովքեր ցանկանում են թուլացնել Ռուսաստանը։ Այս մասին հայտարարել է ՌԴ ԱԳ նախարար Սերգեյ Լավրովը՝ ընտրությունների կապակցությամբ արված մեկնաբանությունում։

«Այսօրվանից մինչև կիրակի՝ սեպտեմբերի 20-ը, բոլորս պետք է երկրի համար կարևոր ընտրություն կատարենք։ Դրա նշանակությունը Ռուսաստանի ապագայի, նրա առաջընթացի, երկրի անվտանգության և ինքնիշխանության ապահովման համար առանձնահատուկ ընդգծել է Ռուսաստանի նախագահ Վլադիմիր Պուտինը՝ քաղաքացիներին ուղղված իր ուղերձում։

Նախագահը կոչ է արել բոլորիս «անպայման իրացնել մեր սահմանադրական իրավունքը, պատասխանատու որոշում կայացնել, որպեսզի ընտրությունների արդյունքները հաստատեն ռուսական հասարակության տոկունությունը։ Սա կլինի մեր ընդհանուր պատասխանը նրանց, ովքեր ցանկանում են թուլացնել Ռուսաստանը, զրկել մեզ սեփական ճակատագիրն ինքնուրույն որոշելու իրավունքից»,- նշել է նախարարը։